مساعدة زراعة الدفلة بالعقلة
سلام عليكم
انا اول مرة اكتب ف المنتدى هنا
محتاج مساعدة ف زراعة الدفلة ف البيت لأنى حاولت مرة وللأٍسف فشلت وماتت غالبا
انا قطعت فرع مزدوج من اصله قطع مايل وشلت الاوراق من تحت وحطيته ف ماء حوالى 7 ايام وكان تمام وبيطلع ورق جديد لكن مطلعش جذر / جربت احطه ف الأصيص فضل يذبل لغاية م ذبل نهائيا
انا عاوز ازرع الدفلة تانى / ف ارجو المساعدة
مواضيع مشابهة:
انتبه فالنبات سام , وبالتالي فهو نبات غير مرغوب في المنزل خوفا علي الاطفال
تحيتي
شكرا بس مفيش احتمال انه طفل يبلعه ان شاء الله
وانا محتاج ازرعه فعلا
تجربة رائعة الله يوفقك
عليك بسقيها مهما رايت عليهامن اعوجاج او تقشر
و انبهك انه من النبات الذي يزرع في الوديان و على مسارات الوديان
و اياك و غرسه كي تجني منه اموالا لانه يستعمل في بعض التخذير احيانا بتعاملات خاصة
فالرزق الطيب اولى
و اما ان كنت للتجربة فعليك بالاغصان الخشبية و ليست الغضة و ترى النتيجة في اسبوع لا اكثر
بشكل عام أخى يمكنك أخذ عقلة بطول 20 سم تقريبا فتقوم بغرس العقلة بالتربة ولا تظهر منها الا عينين او عين واحدة فقط ثم تاتى بعبوة ولتكن زجاجة مياة غازية فارغة وتقطع قعرها بالسكين بحيث تكون بدون قعر ثم تقوم بوضع الزجاجة فوق العقلة ليصبح الامر فى النهاية وكانها صوبة زراعة للعقلة وتقوم بالكشف عنها كل يومين وتهويتها ربع ساعة على الاكثر ثم تقوم بتغطيتها مرة اخرى وانسب موعد لعمل هذا الامر من منتصف شهر يناير الى منتصف شهر فبراير
متشكر ليكم
أ / عبد السلام الجزائرى / التجربة للتجربة مش اكتر / انا بحب رائحة النبات دة
أ/ محمد سكر ياربت شرح اكتر لو سمحت / مثلا لو عملت العقلة دلوقتى هتموت ؟؟
وايه مواصفات العقلة اللى هاخدها من النبات الاصثلى واخدها من اى جزء ف النبات الاصلى؟؟
نستطيع أن نقول أن فرصة نجاحها سوف تكون أقل بكثير عما لو زرعت فى موعدها المناسب الذى ذكرته اما عن مواصفات العقلة لا يقل سمكها عن سمك القلم الرصاص ويفضل أن تكون العقلة عمرها اكثر من عام
طيب و أخد العقلة من اى مكان ف النبات الأاصلى ؟
من فرع مثلا ولا منين / وسؤال تانى : لازم يكون فى عدد معين من الزهور ف العقلة؟
تختار فرع متخشب وليس جديد وتنزع الاوراق من العقلة نهائيا لا تبقى بها اى اوراق او زهور
شكرا لحضرتك / هجرب الطريقة دى واقوللك
تمام / انا امبارح اخترت غصن مخشب حوالى 20 سم وشلت منه كل الاوراق وحطيته ف الأصيص وعزقت الارض كويس قبلها وحطيت لها سماد
الجزء منه اللى تحت الارض حوالى 5 سم وعملت فكرة ازازة الماية اللى زى الصوبة وسقيته وسبته / وهعرضه للهوا ربع ساعة كل يومين
حاجة ناقصة؟
5 سم فى التربة والــ15 سم التربة حسب ما فهمت من كلامك ليس صحيحاً العكس هو الصحيح الجزء الموجود فى التربة يكون اكبر من الجزء الخارجى ايضا العقلة فى هذه المرحلة لا تحتاج الى أى سماد مطلقاً فلم يكن هناك داعى لوضع السماد الان والتعريض للهواء اجعلها كل ثلاثة ايام إن شاء الله تنجح ولكن كما اخبرتك قبل ذلك الوقت الان غير مناسب لزراعة العقل
تمام / هعمل المطلوب / ومتشكر لحضرتك
بعد حوالى 8 ايام بدات الدفلة تطلع بدابة فروع خضراء دقيقة اوى
شىء جميل / ممكن احافط عليها ازاى
واكمل أسلوب الصوبة بعد م زرعت ولا لا؟
أخى هذا النمو ليس دليلاً على نجاح العقلة فبعض الاحيان تخرج نموات خضراء بفعل العصارة الخضراء الموجودة بالعقلة وليس تكوين جذور لا تنزع الكيس من على العقلة او الزجاجة التى تضعها عليها فحتى تتاكد ان العقلة نجحت ان تخرج نموات وافرع بعد تقريبا من شهر ونصف الى شهرين وليس اسبوع او 10 ايام
اقتباس